КОРШУНОВА Зоя Павловна

КОРШУНОВА Зоя Павловна (24.10.1932, Иваново сәнәғәт өлкәһе Яковлевское а. — 12.7.2018, БР‑ҙың Өфө районы Булгаково а.), Социалистик Хеҙмәт Геройы (1973). БАССР‑ҙың атҡаҙанған агрономы (1971). 1953 й. алып Өфө районының А.Д.Цюрупа исемендәге совхозының йәшелсә бригадаһы агрономы, 1960—89 йй. бригадиры. К. бригадаһы етештереүҙең юғары күрһәткестәренә өлгәшә: йәшелсә культураларының уңдырышлылығы 544 ц/га тәшкил итә (1973). БАССР ЮС‑ының 7‑се, 10—11‑се саҡырылыш депутаты. Ленин ордендары менән бүләкләнгән (1966, 1973). К. исеме менән Өфө районы Булгаков а. урам аталған.

Әҙәб.: Иванов В. Здравствуй, поле // Высокое звание: очерки о Героях Соц. Труда. Уфа, 1977; Коршунова З.П. // Герои труда. Уфа, 2011.

Тәрж. Г.А.Миһранова