Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ҺАБЫНСӘСКӘ

Просмотров: 831

ҺАБЫНСӘСКӘ, ҡәнәфер һымаҡтар ғаиләһенә ҡараған үҫемлектәр заты. Яҡынса 10 төрө билдәле, күбеһенсә Европаның уртаса бүлкәтенең төньяҡ өлөшөндә; Урта Азияла, Монголияла таралған. Башҡортостанда ябай Һ., йәки татар һабыны үҫә. Күп йыллыҡ үлән. Һабағы төҙ, ябай, бейеклеге 40—100 см. Япрағы йомортҡаға йәки оҙонса йомортҡаға оҡшаш, осло, ултырма, аҫҡы яғы тамырҙары буйлап һирәк шырт төктәр м‑н ҡапланған. Сәскәһе асыҡ ҡыҙыл төҫтә, ҡалҡанса‑баш һымаҡ сәскәлеккә йыйылған. Июнь—авг. сәскә ата. Емеше — бер оялы ҡумта, июль—сент. өлгөрә. Дымлы болондарҙа, урман ситтәрендә, ҡыуаҡлыҡтар араһында үҫә, респ. бөтә терр‑яһы буйлап таралған. Декоратив үҫемлек.

Ә.Х.Ғәлиева

Тәрж. Г.А.Миһранова

Дата публикации: 10.10.2019
Дата последнего обновления публикации: 17.10.2019
Связанные статьи: