НИКОЛЕНКО Алексей Геннадьевич

НИКОЛЕНКО Алексей Геннадьевич (13.3.1964, Өфө ҡ. — 7.11.2021, шунда уҡ), энтомолог. Биология фәндәре докторы (2003), профессор (2005). БДУ‑ны тамамлаған (1986). 1983—84 йй. Өфө гигиена һәм һөнәри ауырыуҙар ҒТИ‑нда, 1987—88 йй. һәм 1991 й. башлап Органик химия институтында эшләй. 1993 й. алып Биохимия һәм генетика институтында: 1996 й. башлап ғилми секретарь, 1999 й. алып бөжәктәрҙең адаптивлығы биохимияһы лабораторияһы мөдире. Фәнни эшмәкәрлеге бал ҡортоноң популяцион генетикаһына, бөжәктәрҙең иммунитет биохимияһына арналған. Н. тарафынан башҡорт бал ҡортоноң генофондын һаҡлау һәм хәлен күҙаллау өсөн молекуляр‑генетик маркерҙар һәм тәҡдимдәр эшләнгән; ареалына геногеографик тикшереүҙәр үткәрелгән; төп популяцион‑генетик процестар билдәләнгән.

  Хеҙм.: Инсектициды и биота почв. Уфа, 1998 (авторҙ.); Генетические аспекты сохранения биологического разнообразия. Уфа, 2000 (авторҙ.); Oxidative Stress in Vertebrates and Invertebrates: Molecular Aspects of Oxidative Stress on Cell Signaling. London, 2012 (авторҙ.). 

Тәрж. Г.А.Миһранова