НОВОПОКРОВСКИЙ Иван Васильевич

НОВОПОКРОВСКИЙ Иван Васильевич (25.11.1880, Рязань губернаһы Михайлов ҡ. — 2.9.1951, Ленинград ҡ.), геоботаник. Биология фәндәре докторы (1936), профессор (1919). Мәскәү университетын тамамлаған (1904). Фәнни хеҙмәттәре СССР‑ҙың Европа өлөшөнөң флораһын һәм үҫемлектәр донъяһын өйрәнеүгә, астра һымаҡтар һәм шомбоя һымаҡтар ғаиләләренә ҡараған үҫемлек заттарын системаға һалыуға арналған. 1915 й., 1916 й., 1919 й. һәм 1928 й. Башҡортостан комплекслы экспедицияһы составында Башҡортостандың Урал алдының көньяҡ өлөшөндә геоботаник һәм флористик тикшеренеүҙәр үткәрә. Н. ҡатнашлығында республиканың ботаник-географик райондарының картаһы төҙөлгән (1941).

С.С.Хәйретдинов

Тәрж. Г.А.Миһранова