НОВОСЁЛОВА Евдокия Ивановна

НОВОСЁЛОВА Евдокия Ивановна (12.8.1958, Ульяновск өлкәһе Кивать а.), эколог. Биология фәндәре докторы (2008), профессор (2010). БДУ‑ны тамамлағандан һуң (1980) Биология институтында эшләй, 1994 й. алып БДУ‑ла уҡыта: 2001 й. — биология факультеты деканы урынбаҫары, 2008—17 йй. экология кафедраһы мөдире. Фәнни эшмәкәрлеге Башҡортостан тупраҡтары экологияһын, техноген йоғонтоға дусар ителгән тупраҡтың биохимияһына, уны биодиагностикалауға, биомониторингылауға, техноген йоғонтоноң тупраҡтың биологик активлығына тәьҫирен өйрәнеүгә арналған. Н. ҡатнашлығында тупраҡты рекультивациялау ысулдары эшләнгән.

   Х е ҙ м.: Микробиологическая рекультивация нефтезагрязнённых почв. М., 2001 (авторҙ.); Структурно‑функциональная трансформация биогеоценоза при нефтяном загрязнении и пути его восстановления. Уфа, 2004. 

Тәрж. Г.А.Миһранова