КЛИМЕНОК Борис Васильевич

КЛИМЕНОК Борис Васильевич (2.5.1911, Минск губернаһы Ивенец а. — 22.12.1986, Өфө ҡ.), физик‑химик. Химия фәндәре докторы (1951), профессор (1951). БАССР-ҙың атҡаҙанған фән һәм техника эшмәкәре (1968). МДУ‑ны тамамлаған (1938). 1944—49 йй. И.М.Губкин исемендәге Мәскәү нефть институтында уҡыта. 1951—83 йй. ӨНИ‑лә: директор урынбаҫары, 1952 й. директор, 1954 й. алып физик химия кафедраһы мөдире. Фәнни хеҙмәттәре физик химияға арналған. К. илдә тәүгеләрҙән каталитик крекинг реакциялары механизмын тикшереү өсөн инәүле углеводородтар ҡулланған. 50—70‑се йй. уның етәкселегендә карбамидтың һыуҙағы эретмәһе менән дизель яғыулыҡтарын парафинһыҙлаштырыу процесы тикшерелгән, ӨНИ‑ләге һәм Өфө НЭЗ‑ындағы тәжрибә ҡоролмаларында һынауҙар үткәрелгән. К. Башҡортостанда тәүге физик химия кафедраһына (ӨНИ, 1951) нигеҙ һала. Хеҙмәт Ҡыҙыл Байраҡ (1967), “Почёт Билдәһе” (1976) ордендары менән бүләкләнгән.

  Хеҙм.: Парциальная депарафинизация дизельного топлива водным раствором карбамида //Известия высших учебных заведений. Нефть и газ. 1959. №1 (авторҙ.); Структура комплекса, образующегося при взаимодействии дизельного топлива с водным раствором карбамида //Шунда уҡ. 1961. №3 (авторҙ).

Н.К.Ляпина

Тәрж. Р.Ғ.Ғилманов