ИШМЫРҘИН Әбүбәкер Әхмәҙулла улы

ИШМЫРҘИН Әбүбәкер Әхмәҙулла улы [3.12.1936, БАССР‑ҙың Красноусол р‑ны Сәйетбаба а. (БР‑ҙың Ғафури р‑ны)], тау инженеры. Техник ф. д‑ры (2000), проф. (2005). БР‑ҙың атҡ. уйлап табыусыһы (2005), РФ‑тың почётлы юғары проф. белем биреү хеҙм‑ре (2016). ӨНИ‑не тамамлағандан һуң (1959) “Башвостокнефтеразведка” тресында (Бөрө ҡ.) эшләй. 1960 й. алып Өфөлә: “Башнефтегеофизика” тресында, 1961 й. башлап “Башнефтепроект” ин‑тында, 1967 й. — “Башнефть” берекмәһендә. 1969 й. алып И.М.Губкин ис. Мәскәү нефтехимия һәм газ сәнәғәте ин-тында,  1972 й. башлап ӨДНТУ‑ла уҡыта. Фәнни эшмәкәрлеге нефтьсығарыу проблемаларына арналған. И. етәкс. насос ҡорамалдарында нефттең эйәрсен газдары энергияһын ҡулланып аҙ дебитлы скважиналарҙан күп фазалы продукция алыуҙың энергия һаҡлаусы технологияһы эшләнә. Асыштары БР‑ҙың, РФ-тың башҡа төбәктәренең һәм БДБ илдәренең нефть сығарыу пр‑тиеларына индерелгән. 150‑нән ашыу фәнни хеҙмәт һәм 34 уйлап табыу авторы.

Хеҙм.: Рациональное использование попутного нефтяного газа: техника, технология, проблемы и пути решения. Уфа, 2010 (авторҙ.); Механика дисперсных систем в нефтегазовом производстве. Уфа, 2012 (авторҙ.); Машины и оборудование для добычи и подготовки нефти и газа. Уфа, 2013 (авторҙ.).

Ю.Г.Матвеев

Тәрж. Р.Ғ.Ғилманов