ҠАРЛЫХАН, Балаҡатай р‑нындағы ауыл

ҠАРЛЫХАН, Балаҡатай р‑нындағы ауыл, Ҡарлыхан а/с үҙәге. Район үҙәгенән Т.‑Көнб. табан 42 км һәм Үңкерҙе т. юл ст. (Силәбе өлк.) 76 км алыҫлыҡта Нөгөш һәм Ыйыҡ йй. (Әй й. ҡушылдығы) араһында урынлашҡан. Халҡы: 1906 й. – 2926 кеше; 1920 – 3547; 1939 – 2467; 1959 – 2535; 1989 — 1738; 2002 – 1640; 2010 – 1343 кеше. Урыҫтар йәшәй (2002). Урта мәктәп, балалар баҡсаһы, участка дауаханаһы, мәҙәниәт йорто (“Родные напевы” урыҫ халыҡ фольклор ансамбле), китапхана бар.

Ауылға 19 б. 2‑се ярт. Златоуст өйәҙендә ш. уҡ өйәҙҙең Нөгөш а. кешеләре Ҡарлыхан утары булараҡ нигеҙ һала. 1906 й. сиркәү (1883 й. төҙөлгән), 2 класлы министрлыҡ һәм земство училищелары, 2 тимерлек, 2 мануфактура һәм 6 бакалея кибете, 3 һыу тирмәне теркәлгән. А.В.Усова ошо ауылда тыуған.

Х.Ғ.Байморатова, Ә.З.Әсфәндиәров

Тәрж. Р.Ғ.Ғилманов