КНЕЛЛЕР Леонид Ефимович
КНЕЛЛЕР Леонид Ефимович (9.5.1952, Грозный ҡ.), тау инженеры‑геофизик. Техник фәндәр докторы (1992), профессор (1996). РФ‑тың почётлы нефтсеһе (2003), почётлы ер аҫты разведкалаусыһы (2006). Грозный нефть институтын тамамлағандан һуң (1974) Бөтә Союз геологик разведка скважиналарын геофизик өйрәнеү ғилми‑тикшеренеү һәм проект-конструкторлыҡ институтында эшләй (Октябрьский ҡ.): инженер, 1977 й. алып өлкән инженер, 1979 й. — өлкән ғилми хеҙмәткәр, 1984 й. — лаборатория мөдире, 1988 й. алып һәм 1999 й. — бүлек мөдире, 1997 й. — генераль директор урынбаҫары, 2005 й. — фәнни эштәр буйынса генераль директор урынбаҫары. Фәнни эшмәкәрлеге скважиналарҙы геофизик тикшереү теорияһы үҫешенә бәйле. К. тарафынан электр һәм электромагнитлы алымдар менән ҡатлам үлсәмдәренең математик моделен әҙерләү ысулдары уйлап табыла, улар Башҡортостан, Көнбайыш Себер, Украина һ.б. ятҡылыҡтарында индерелә.
Хеҙм.: Магнитоимпульсная дефектоскопия-толщинометрия обсадных колонн насосно‑компрессорных труб. М., 2012 (авторҙ.).
К.В.Антонов
Тәрж. Г.М.Ғәлиева