КОРОТЕЕВ Виктор Алексеевич

КОРОТЕЕВ Виктор Алексеевич (25.4.1937, Чапаевск ҡ. — 31.7.2021, Екатеринбург ҡ.), геолог‑геохимик. РФА академигы (1992), геология‑минералогия фәндәре докторы (1983), профессор (1988). Томск университетын тамамлаған (1959). Фәнни хеҙмәттәре вулкан ҡатламдарының палеовулканология һәм металлогения проблемаларына арналған. К. тарафынан Уралда палеозой вулканизмының структур һәм матди үҙенсәлектәре асыҡланған, формация‑геодинамика нигеҙендә Башҡортостандың палеовулканологик картаһы төҙөлгән. Литосфера плиталары тектоникаһы нигеҙендә Урал һ.б. йыйырсыҡлы өлкәләрҙең тәрәндәге төҙөлөшө һәм геологик үҫеш тарихы концепцияһы авторҙашы. К. етәкселегендә РФА‑ның Урал бүлексәһе Минералогия институты ойошторола. “Литосфера” журналының баш мөхәррире. РФА‑ның вулканология һәм палеовулканология буйынса комиссияһы рәйесе. РФ Хөкүмәтенең фән һәм техника өлкәһендәге премияһы лауреаты (2003). Халыҡтар дуҫлығы ордены менән бүләкләнгән (1981).

Хеҙм.: Минерагения шовных зон Урала. Екатеринбург, 2010 (авторҙ.); Небокситовое алюминиевое сырьё России. Екатеринбург, 2011 (авторҙ.); Кианитовые руды России. Екатеринбург, 2012 (авторҙ.).

Лит.: Виктор Алексеевич Коротеев: к 75‑летию со дня рождения //Литосфера. 2012. №2.

Тәрж. Х.А.Шәрипова