КОРОТКОВ Михаил Ефимович

КОРОТКОВ Михаил Ефимович [28.07.1910, Һамар губернаһы Боғорослан өйәҙе Мартыновка а. (Ырымбур өлкәһе Әсәкәй районы) — 1.8.1976, Октябрьский ҡ.], хужалыҡ эшмәкәре. БАССР‑ҙың атҡаҙанған нефтсеһе (1965), СССР‑ҙың почётлы нефтсеһе (1970). Б.В. һуғышында ҡатнашыусы. Урта Волга коммунистар вузын (Һамар ҡ., 1931) тамамлаған. 1937 й. башлап “Востокнефть” тресында эшләй, 1939 й. алып “Туймазанефть” тресы идарасыһы урынбаҫары, 1953 й. — “Башзападнефтеразведка” тресы идарасыһы, 1970—72 йй. “Башнефть” берекмәһенең Октябрьский быраулау эштәре идаралығы начальнигы. Маншыр нефть ятҡылығын, Шкапов нефть ятҡылығын, Дим, Раевка нефть ятҡылыҡтарын разведкалауҙы ойоштороусы. Ленин (1959), Октябрь Революцияһы (1971), Хеҙмәт Ҡыҙыл Байраҡ (1966) ордендары менән бүләкләнгән. Октябрьский ҡ. почётлы гражданы.

К.С.Баймөхәмәтов

 Тәрж. Л.Ф.Мәмбәтҡолова