КОШЛЯК Владислав Александрович
КОШЛЯК Владислав Александрович (20.10.1933, Украина ССР‑ы Верхний ҡсб — 16.12.2004, Өфө ҡ.), геофизик. Геология‑минералогия фәндәре докторы (2004). РФ Энергетика министрлығының почётлы нефтсеһе (2001). И.М.Губкин исемендәге Мәскәү нефть институтын тамамлағандан һуң (1956) Новосибирск геофизика тресында эшләй. 1960 й. алып “Башнефтегеофизика” тресының өлкән инженеры һәм өлкән геофизигы, 1964—69 йй. “БашНИПИнефть” институтының сектор етәксеһе, 1973 й. — өлкән ғилми хеҙмәткәре, 1975 й. — “Геофизика” ғилми‑производство фирмаһының лаборатория һәм бүлек мөдире, 2001 й. — баш геологы. 1969—73 йй. Алжирҙа, 1991—2001 йй. Вьетнамда эшләй. Фәнни эшмәкәрлеге коллекторҙарҙы өйрәнеүгә, Башҡортостандың, Көнбайыш Себерҙең һ.б. һыуланған ятҡылыҡтары ҡатламдарының эшләнешен һәм нефть биреүсәнлеген промысла геофизикаһы ысулдары менән баһалауға бәйле.
Х е ҙ м.: Оценка ёмкостных свойств коллекторов радиоактивными методами. М., 1988 (авторҙ.); Гранитоидные коллекторы нефти и газа. Уфа, 2002.
М.В.Семёнова
Тәрж. Х.А.Шәрипова