ҠОТЛОБУЛАТ, Мәләүез р‑нындағы ауыл

ҠОТЛОБУЛАТ, Ҡама, Мәләүез р‑нындағы ауыл, Әбет а/с ҡарай. Район үҙәгенән һәм Мәләүез т. юл ст. Т.‑Көнс. табан 20 км алыҫлыҡта Нөгөш й. буйында урынлашҡан. Халҡы: 1906 й. – 174 кеше; 1920 – 286; 1939 – 169; 1959 – 179; 1989 – 188; 2002 – 191; 2010 – 219 кеше. Башҡорттар йәшәй (2002).

Ауылға Стәрлетамаҡ өйәҙе Сәнкем-Ҡыпсаҡ улусы башҡорттары үҙ ерҙәрендә нигеҙ һала, 18 б. аҙ. алып билдәле. Аҫаба Ҡотлобулат Сурағолов исеме м‑н аталған. Шулай уҡ Ҡамалар булараҡ теркәлгән. 1795 й. 25 йортта 115 кеше йәшәгән, 1865 й. 24 йортта – 125 кеше. Малс‑ҡ, игенселек, урман кәсептәре м‑н шөғөлләнгәндәр. 1906 й. мөгәзәй теркәлгән, борам эшләгән. 80‑се йй. башында Ҡ. 1875 й. нигеҙләнгән Һалдат утары ҡушылған.

Тәрж. Р.Ғ.Ғилманов