МАЛЬКОВ Павел Васильевич

МАЛЬКОВ Павел Васильевич (1901—1953), рәссам. Башҡортостан һынлы сәнғәтенең оло вәкилдәренең береһе. Һан яғынан күп булмаған, әммә үҙенсәлекле эштәре коллекцияһы Нестеров М.В. исемендәге художество музейында һаҡлана. Айырыуса билдәле эштәре: “Архиерейка башҡорттары” (1924; фанер, майлы буяу) — Өфөнөң Архиерейка биҫтәһендә йәшәгән кешеләрҙең тормош шарттарын һүрәтләгән төркөм портреты, тарихи дөрөҫлөгө һәм образдарҙың үҙенсәлекле булыуы м‑н айырылып тора; “Салғысылар” (1931; ҡағыҙ, тушь) тематик композицияһына йыйнаҡлыҡ һәм хәрәкәтсәнлек хас.

А.Г.Королевский

Тәрж. Г.Һ.Ризуанова