КАРКЛИН Фриц Иванович

КАРКЛИН Фриц Иванович (12.3.1894, Курляндия губернаһы Гольдинген ҡ. — 17.7.1937, Тара ҡ.), революция хәрәкәте эшмәкәре. 1911 й. алып РСДРП ағзаһы. Беренсе донъя һәм Граждандар һуғыштарында ҡатнашыусы. 1915—17 йй. Рига, Ревель һәм Петроград ҡҡ. партия эшендә. 1918 й. башлап РКП(б) латыш секцияһының Өфө губерна бюроһы секретары, 1919—21 йй. РКП(б)‑ның Өфө губкомы секретары. 1918 й. июль—декабрендә һәм 1919 й. март—июнендә Өфө ҡ. большевиктар подпольеһы етәкселәренең береһе. 1921 й. алып РККА‑ның бишенсе армияһы штабында хәрби‑сәйәси эш алып бара. 1922 й. башлап Курск, Магнитогорск, Свердловск һәм Омск ҡҡ. партия эшендә. 1937 й. репрессиялана, 1980 йй. аҙағында аҡлана. 

  Әҙәб.: П л о т н и к о в И.Ф. В тылу врага. Уфа, 1971.

И.Ф.Плотников

Тәрж. М.Х.Хужин