ЛЕБЕДЬКОВ Иван Александрович
ЛЕБЕДЬКОВ Иван Александрович (5.1.1938, БАССР‑ҙың Мәләүез районы Мәләүез ҡсб, хәҙер Мәләүез ҡ.), тренер. Спорт акробатикаһы буйынса Рәсәйҙең атҡаҙанған тренеры (1997), СССР‑ҙың спорт мастеры (1962) һәм бөтә Рәсәй категориялы судья (1971). БАССР‑ҙың атҡаҙанған мәҙәниәт хеҙмәткәре (1983), РСФСР‑ҙың халыҡ мәғарифы отличнигы (1978). П.Ф.Лесгафт исемендәге Ленинград физик культура институтын тамамлаған (1970). 1961 й. Башҡортостан өлкә советы “Хеҙмәт” ирекле спорт йәмғиәтенең “Нефтехимик” спорт клубы, 1972—2011 йй. Балалар һәм үҫмерҙәр ижад йорто (икеһе лә — Салауат ҡ.) тренеры. Тәрбиәләнеүселәре араһында 80‑дән ашыу СССР һәм Рәсәй спорт мастеры.
Тәрж. М.Н.Моратшина