КИНЗИН Рәшит Кинйә улы
КИНЗИН Рәшит Кинйә улы [15.11.1923, БАССР‑ҙың Мәсәғүт кантоны Бишәүләр а. (БР‑ҙың Салауат р‑ны) — 12.9.2002, Өфө], хужалыҡ эшмәкәре. РСФСР‑ҙың атҡ. а.х. хеҙм‑ре (1983). Б.В. һуғышында ҡатнашыусы. 1946 й. алып Салауат р‑нында эшләй: ВЛКСМ-дың район ком‑ты, 1948 й. башлап хеҙмәтсәндәр депутаттары район советының башҡарма ком‑ты секретары, 1949 й. — Мәсетле а/с, 1951 й. — “Йүрүҙән” к‑зы рәйесе, 1958 й. — район а.х. инспекцияһы нач., 1959—86 йй. “Йүрүҙән” с‑зы директоры. К. етәкс. с‑з үҫемлекселектә һәм малсылыҡта юғары күрһәткестәргә өлгәшә: иген культуралары уңдырышлылығы 18,6 ц/га тәшкил иткән, етештерелгән (т): иген — 18000, һөт — 3600, ит — 1322,8 (1980). Респ. төньяҡ-көнсығыш урман‑дала зонаһында тәүге тапҡыр с‑зда культуралы көтөүлектәр булдырыла һәм һуғарыу ҡулланыла, һыйыр малының ҡара‑сыбар тоҡомон үрсетеү б‑са тоҡомсолоҡ эше ойошторола. БАССР ЮС‑ының 9‑сы саҡырылыш депутаты. Ленин (1971), 2‑се дәрәжә Ватан һуғышы (1985), Хеҙмәт Ҡыҙыл Байраҡ (1957), “Почёт Билдәһе” (1966) орд. м‑н бүләкләнгән.
Ә.Й.Закиров
Тәрж. Г.А.Миһранова