КЛЮЧ МӘМЕРЙӘҺЕ

КЛЮЧ МӘМЕРЙӘҺЕ. Ҡотоҡ төбәгендә урынлашҡан. Карст мәмерйәһе, өҫкө девон һәм аҫҡы карбон эзбизташтарында барлыҡҡа килгән. Көнсығыш йүнәлешле ауыш коридорҙан тора. Оҙонлоғо 351 м, уртаса киңлеге 2,5 м, уртаса бейеклеге 3 м, амплитудаһы 75 м, майҙаны 650 м², күләме 1456 м³. Ауыҙы тура мөйөшлө формала (киңлеге 2,5 м, бейеклеге 9 м), тар коридорға алып бара, ул урта өлөшөндә төньяҡҡа борола, һөҙәкләнә һәм сифон м‑н бөтә. Иҙәне ҡом, балсыҡ һәм ҡырсынташ м‑н ҡапланған. Һул стенаһында кальцит һарҡымдары бар. Т‑раһы йәй көнө 12°С. Мәмерйә буйлап шишмә аға (һыу сығымы йәй көнө   5—8 л/с).

Ю.В.Соколов

Тәрж. И.М.Япаров