МАЙСКИЙ Әнүәр Әхкәм улы
МАЙСКИЙ Әнүәр Әхкәм улы [1.3.1929, БАССР‑ҙың Мәсәғүт кантоны Бөтөрөшкән а. (Силәбе өлкәһе Ҡуҫа районы) — 13.8.1989, Өфө ҡ.], инженер‑механик. Техник фәндәр кандидаты (1973). ӨНИ‑не тамамлағандан һуң (1954) Башҡортостан нефть үткәргес идаралығы инженеры, прорабы булып эшләй. 1960—89 йй. Бөтә Союз нефтте һәм нефть продукттарын йыйыу, әҙерләү һәм ташыу ҒТИ‑нда: 1961 й. алып проекттарҙың баш инженеры, 1970 й. — сектор мөдире, 1973 й. — лаборатория мөдире, 1987 й. — төп ғилми хеҙмәткәр. М. ҡатнашлығында юғары һөҙөмтә биргән Пластобит 2М изоляция ҡаплауы һәм уны магистраль үткәргес торбаларға ҡаплау технологияһы эшләнгән. СССР МС‑ы премияһы лауреаты (1983).
Х е ҙ м.: О ремонте нефтепроводов большого диаметра //Транспорт и хранение нефти и нефтепродуктов. 1983. Вып.9 (авторҙ.); Резервы повышения производительности ремонтной колонны //Нефтепромысловое дело и транспорт нефти. 1985. Вып.2 (авторҙ.).
Р.А.Майский
Тәрж. Г.М.Ғәлиева