МӘСӘҒҮТОВ Рим Хәким улы

МӘСӘҒҮТОВ Рим Хәким улы (20.8.1946, БАССР‑ҙың Дүртөйлө районы Исмаил а.), тау инженеры‑геолог. БР ФА‑ның мөхбир ағзаһы (2012), геология‑минералогия фәндәре докторы (2006), профессор (2008). РФ‑тың (2017) һәм БР‑ҙың (2000) атҡаҙанған геологы, Рәсәйҙең почётлы таусыһы (2011), ятҡылыҡты беренсе асыусы (2013). Пермь политехник институтын тамамлаған (1972). 1966 й. алып Бөрө геологик эҙләнеүҙәр контораһының өлкән геологы, 1973 й. — Краснохолмский быраулау эштәре идаралығының смена начальнигы, геология бүлеге начальнигы урынбаҫары, 1980 й. — “Башнефть” ПБ‑ның Туймазы геологик эҙләнеүҙәр контораһында баш геолог; 1987 й. башлап “Башгеопроект” ЯСЙ‑ның лаборатория мөдире, 1988 й. — бүлек мөдире, 2002 й. — бүлек начальнигы, 2004 й. — сектор мөдире, 2006 й. — бүлек начальнигы, 2010—18 йй. «“Башнефть” АНК»‑ның асыҡ АЙ‑нда бүлек начальнигы, геологик разведка эштәре һәм лицензиялау бүлеге директоры урынбаҫары‑начальнигы, 2019—21 йй. “Вестник Академии наук Республики Башкортостан” (“Башҡортостан Республикаһының Фәндәр академияһы хәбәрҙәре”) журналында ғилми редактор‑эксперт (бөтәһе лә — Өфө ҡ.). Фәнни‑производство эшмәкәрлеге республиканың платформа өлөшөнөң геологик төҙөлөшөн өйрәнеүгә, нефткә һәм газға геология‑разведка эштәре үткәреүгә бәйле. М. тарафынан һуң кембрий алдының нефтле ҡатламдарына литологик‑стратиграфик характеристика бирелә, “тармаҡ формаһындағы” углеводород ятыштарын, ултырмаларҙан һуң барлыҡҡа килгән һәм грабенға оҡшаш бөгөлдәр менән бәйле булған ятҡылыҡтарҙы эҙләү һәм разведкалау методикаһы эшләнә. Илеш нефть ятҡылығын беренсе асыусы. Арҙат, Ахта, В.С.Афанасьев исемендәге, Згурицкий, Знаменка, Көнгәк, Ҡалъян, Нарат, Туҙлыҡыуыш һ.б. нефть ятҡылыҡтарын разведкалауҙы ойоштороусыларҙың береһе. Урал тау премияһы (1997), Г.В.Вахрушев исемендәге премия (2001) лауреаты.

  Хеҙм.: Методика поисков залежей нефти и газа в ловушках сложноэкранированного типа: в 2 ч. М., 1992 (авторҙ.); Литолого‑стратиграфическая характеристика и палеогеография позднего докембрия Башкирского Приуралья. М., 2002; Геология и геохимия доманиковых фаций юго‑востока Волго‑Уральской провинции (на примере Башкирского Приуралья). Уфа: Башк. энцикл., 2019.

К.С.Баймөхәмәтов

Тәрж. Э.М.Юлбарисов