КОМИССАРОВ Гурий Иванович
КОМИССАРОВ (Иванов) Гурий Иванович (3.10.1883, Ҡазан губ. Ядринск өйәҙе Богатырёво а. — 25.2.1969, Киров өлк. Санчурск ҡсб), тыуған яҡты өйрәнеүсе. Дини тәғлимәт канд. (1913). Ҡазан дини акад. тамамлағандан һуң (1913) Өфө уҡыу йорттарында, 1926—41 йй. Ҡазанда, 1942—57 йй. Санчурскиҙа уҡыта. Сыуаштарҙың тарихын һәм этнографияһын өйрәнә, Көньяҡ Урал буйында йәшәгән сыуаштар т‑да тарихи, этнографик һәм фольклор материалдарын йыйыу м‑н шөғөлләнә, уларҙың бер өлөшөн Башҡортостан үҙәк тыуған яҡты өйрәнеү музейына (ҡара: Милли музей) тапшыра. Сыуаш мәктәптәре асыуға булышлыҡ итә. 400‑гә яҡын фәнни хеҙмәт авторы. Өфө губерна ғилми архив комиссияһы ағзаһы.
Хеҙм.: Чуваши Казанского Заволжья //Известия общества археологии, истории и этнографии. Казань, 1911. Т.27. Вып.5; Чуваши: краевед. очерк //Башкирский край. Уфа, 1928; Чаваш халахе малалла кайе-ши, кайме-ши? Уфа, 1918.
Әҙәб.: Гурий Комиссаров — краевед и просветитель. Уфа, 1999.
Тәрж. М.Х.Хужин