ҠОРҒАҘАҠ, сығанаҡ

ҠОРҒАҘАҠ, урғылыусы карст минераль һыу сығанағы, тәбиғәт ҡомартҡыһы (1965). Салауат р‑ны Комсомол а. эргәһендә урынлашҡан. Юғары һәм урта карбон эзбизташтарынан торған Йүрүҙән й. һул ярында сыға. Дебиты 125 л/с тиклем. Һыуы сөсө (0,5 г/л), шифалы, бальнеологик, гидрокарбонатлы магний‑кальцийлы, радонлы; составында иондар (мг/л): кальций (76,2), магний (34), натрий (5,8), гидрокарбонат (351), сульфат (32,5), хлорид (14,2); мышаяҡ к‑таһы (3,9), органик матдәләр (10), ш. иҫ. гумуслы (2,6—3,4), битуминозлы (1,5—4,5) матдәләр һәм нафтен кислоталары (0,1); гелий (30—37•105 мл/л), радон (2—2,3•105 Бк/м3) бар; газ составы б‑са кислородлы‑азотлы, т‑раһы 14,7—15,5°С. Тирә‑яғындағы ландшафы ҡарағай‑уҫаҡ‑ҡайын урмандарынан тора. Сығанаҡтың һыуы “Янғантау” шифаханаһында ҡулланыла. 90‑сы йй. уртаһынан минераль һыуҙы шешәләргә тултырыу ойошторолған. Исеме ҡур (көс) һәм ғаҙаҡ (йылға) һүҙҙәренән алынған.

Р.Ф.Абдрахманов

Тәрж. А.Н.Күсеев