КҮРКӘТАУ, йылға

КҮРКӘТАУ, йылға, Ҡана й. уң ҡушылдығы. Баймаҡ р‑ны Ишей а. төньяҡ‑көнсығышҡа табан 4 км алыҫлыҡта башлана. Үрге ағымында — Баймаҡ һәм Йылайыр р‑ндары буйлап төньяҡ‑көнсығыштан көньяҡ-көнбайышҡа, уртаһында — Йылайыр р‑ны буйлап төньяҡ‑көнбайышҡа, түбәнге ағымында көнбайышҡа табан аға. Ҡана й. (тамағынан 31 км алыҫлыҡта) ҡоя. Оҙонлоғо 52 км, басс. майҙаны 386 км². Ҡатнаш, башлыса ҡар һыуы м‑н туйына. Уртаса йыллыҡ һыу сығымы 2,1 м³/с. Басс. рельефы тәпәш таулы, үрге ағымында йылға үҙәне Уралтау һыртының көньяҡ өлөшөндә урынлашҡан. Ландшафы ҡараһыу һоро тау-урман тупрағындағы ҡарағас ҡатыш ҡарағай‑ҡайын урмандарынан тора, ҡараһыу һоро урман һәм йыуылған ҡара тупраҡтарҙағы болонло далалар осрай. Басс. 75%‑ын — урман, бер аҙ өлөшөн (5—10%) һөрөнтө ер биләй. Иң ҙур ҡушылдыҡтары: уң — Оло Бастан, һул — Урал‑Лука.

В.А.Загорский

Тәрж. А.Н.Күсеев