ОБЫДЁННОВ Михаил Фёдорович

ОБЫДЁННОВ Михаил Фёдорович (21.11.1949, Өфө), археолог. Тарих ф. д‑ры (1992), проф. (1993). БДУ‑ны тамамлағандан һуң (1975) шунда уҡ эшләй (2000—06 йй. төбәкте өйрәнеү һәм дәүләт идараһы каф. мөдире), 1993 й. алып Көнсығыш иҡт.-юридик гуманитар акад. проректоры, дәүләт тарихы һәм хоҡуҡ каф. мөдире, 1998 й. — Юридик колледж (Өфө) дир., бер үк ваҡытта БДУ‑ның Ватан тарихы каф. профессоры. Фәнни хеҙмәттәре бронза быуатына, Межа мәҙәниәтенә, Көньяҡ Уралда фин-уғыр ҡәбиләләренең ойошоуына һәм таралып ултырыуына, Урал-Кама буйы төбәгендә йәшәгән боронғо халыҡтарҙың рухи мәҙәниәтенә һәм һынлы сәнғәтенә арналған. Бер нисә археологик ҡомартҡыны, ш. иҫ. Иштуған ҡурғандарын, Касьянов тораһын, өйрәнгән. 400‑ҙән ашыу фәнни хеҙмәт авторы.

Х е ҙ м.: Образ человека в древнем искусстве (по материалам Урала и Поволжья). Казань, 2003; Историко-культурное наследие народов Башкортостана — объект археологии: вопросы сохранения и использования. Уфа, 2007; История культуры и искусства древних и средневековых народов Среднего Поволжья и Урала. Ка‑ зань, 2014 (авторҙ.).

Г.Т.Хөсәйенова

Тәрж. М.Х.Хужин