Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

НУРМӨХӘМӘТОВА Диана Дауыт ҡыҙы

Просмотров: 773

НУРМӨХӘМӘТОВА Диана Дауыт ҡыҙы (1918, Ҡаҙағстан — ?), йырсы (лирик‑колоратуралы сопрано). БАССР‑ҙың атҡ. артисы (1955). Мәскәү консерваторияһы эргәһендәге Башҡ. студияһын тамамлағандан һуң (1941; А.К.Аскочинский һәм М.В.Владимирова класы) БДОБТ, 1943 й. алып БАССР ХКС‑ы эргәһендәге Респ. радиолаштырыу ком‑ты, 1945 й. – Башҡ. филармонияһы, 60‑сы йй. башынан Мәскәү өлкә филармонияһы солисы. Йомшаҡ тембрлы матур тауышҡа эйә була, башҡарыу сәнғәтенә тәьҫирлелек, ихласлыҡ хас. Репертуарында 600‑ҙән ашыу әҫәр, улар араһында сит ил [Р.М.Глиэрҙың Тауыш м‑н оркестр өсөн концертынан сопрано партияһы, В.А.Моцарттың “Тылсымлы флейта” (“Волшебная флейта”) операһынан Батшабикә арияһы], урыҫ [М.И.Глинканың “Руслан һәм Людмила” (“Руслан и Людмила”) операһынан Людмила каватинаһы], башҡ. (К.Й.Рәхимовтың “Йәй”, Х.Ш.Заимовтың “Башҡортостан” кантаталары, З.Ғ.Исмәғилевтең “Һин ҡайтманың”, “Көтәм һине”, Х.Ф.Әхмәтовтың “Төнгө Урал”, Т.Ш.Кәримовтың “Һинең йырың”, “Иҫтәлек”) комп. әҫәрҙәре; башҡ. (“Ашҡаҙар”, “Зөлхизә”, “Эскадрон”) һәм татар (“Рамай”, “Мөслимә”) халыҡ йырҙары. СССР буйлап гастролдәрҙә була. Мәскәүҙә Башҡорт әҙәбиәте һәм сәнғәте декадаһында (1955) ҡатнаша. 

Э.М.Давыдова

Тәрж. Г.Һ.Ризуанова

Дата публикации: 10.10.2019
Дата последнего обновления публикации: 17.10.2019