Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ЛЬВОВ МИНОМЁТ ПОЛКЫ

Просмотров: 922

ЛЬВОВ МИНОМЁТ ПОЛКЫ, Дәүләт оборона ком‑ты ҡарары м‑н 1943 й. ғин.—мартында Шаҡша т. юл ст. (БАССР) 40‑сы миномёт бригадаһы нигеҙендә ойошторола; 1943 й. июленән 467‑се гвардия миномёт полкы. Полк составына 2 миномёт дивизионы һәм махсус подразделениелар ингән. Юғары баш командование резервында, июндән — Брянск, июлдән — Үҙәк, авг. — Воронеж, окт. — 1‑се Украина фронттарының 3‑сө гвардия танк армияһы составында була. Бөйөк Ватан һуғышы барышында 1943 й. Орёл, Киев-Фастов, 1944 й. Житомир-Бердичев, Проскуров-Черновцы, Львов-Сандомир, 1945 й. Прага, Түбәнге Силезия, Берлин операцияларында ҡатнаша. 1946 й. 467‑се даими миномёт дивизионы итеп үҙгәртелә. Почётлы “Львов” исеменә лайыҡ була (1944). Ҡыҙыл Йондоҙ орд. м‑н бүләкләнгән (1945).

Полк ком.: майор И.Д.Копин (1943—44), подполк. А.И.Чернявский (1944), майор А.И.Быков (1945).

М.Ә.Бикмәев

Тәрж. Ф.Ә.Ҡылысбаев

Дата публикации: 10.10.2019
Дата последнего обновления публикации: 17.10.2019