ОБУХОВ Николай Феоктистович

ОБУХОВ Николай Феоктистович (22.5.1921, Вятка губернаһы Власово а. — 11.11.1990, Черновцы ҡ., Украина), өлкән лейтенант. Советтар Союзы Геройы (1941). Б.В. һуғышында ҡатнашыусы. В.И.Ленин исемендәге Хәрби-сәйәси академияла уҡыған (Бәләбәй ҡ., 1943), Юғары хәрби-сәйәси курстар тамамлаған (1944). 1940 й. алып Совет армияһында. 1941 й. июненән Көньяҡ-Көнбайыш фронтта хеҙмәт итә. Герой исеменә 40‑сы армияның 212‑се һауа-десант бригадаһы уҡсыһы рядовой О. 1941 й. 9 сентябрендә Украина ССР‑ының Любитово а. янындағы алышта күрһәткән батырлығы өсөн лайыҡ була. Запасҡа сыҡҡандан һуң (1953) Черновцы ҡ. йәшәй. Ленин (1941), 1‑се дәрәжә Ватан һуғышы (1985) ордендары менән бүләкләнгән. О. исеме Өфө ҡ. 98‑се урта мәктәпкә бирелгән, Ижевск машиналар эшләү заводы бинаһына уға мемориаль таҡтаташ ҡуйылған.

И.Ғ.Кәримова

Тәрж. М.Х.Хужин