КОСТЮКОВА Татьяна Петровна

КОСТЮКОВА Татьяна Петровна (16.3.1946, Өфө), инженер‑электромеханик. Техник ф. д‑ры (2000), проф. (2002). РФ‑тың почётлы юғары проф. белем биреү хеҙм‑ре (2010). ӨАИ‑ны тамамлағандан һуң (1968) шунда уҡ эшләй, 2000—05 йй. БДАУ-ҙың информатика һәм мәғлүмәт технологиялары каф. мөдире. Фәнни тикшеренеүҙәре ярым үткәргесле үҙгәрткестәр уйлап табыуға һәм юғары уҡыу йорттарының уҡытыу- тәрбиәләү процесына мәғлүмәт технологияларын индереүгә арналған. К. ҡатнашлығында трансформатор сығышы булған идара ителмәле эш башҡарыусы элементтар, озонаторҙар өсөн ток сығанаҡтары, киңлек-импульс көйләгестәре, электр энергияһы параметрҙары үҙгәрткестәрен иҫәпләп сығарыу һәм проектлау методикалары эшләнә, электрон уҡытыу системалары уйлап табыла. Асыштары БР һәм РФ-тың башҡа төбәктәренең сәнәғәт пр‑тиеларында индерелә. 240‑тан ашыу фәнни хеҙмәт һәм 3 уйлап табыу авторы.

Хеҙм.: Моделирование и принятие технических решений при разработке преобразователей параметров электроэнергии. Уфа, 1999; Тиристорные преобразователи частоты. М., 2000 (авторҙ.); Бесконтактные и гибридные электрические аппараты. Уфа, 2002 (авторҙ.).

Л.Э.Рогинская

Тәрж. Р.Ғ.Ғилманов