КРИВОШЕЕВ Александр Сергеевич
КРИВОШЕЕВ Александр Сергеевич (25.1.1964, Стәрлетамаҡ ҡ.), математик. Физика‑математика фәндәре докторы (1994). БДУ‑ны тамамлаған (1986). 1990 й. башлап Математика институтының өлкән, 1995 й. — төп ғилми хеҙмәткәре, 1997 й. — бүлек мөдире, бер үк ваҡытта 2000 й. алып баш ғилми хеҙмәткәре һәм 1996 й. алып БДУ‑ла, ӨДАТУ‑ла уҡыта. Фәнни эшмәкәрлеге комплекслы анализ проблемаларына арналған. К. тарафынан төрөлөү операторҙары, бөтөн һәм плюрисубгармоник функциялар теорияһының байтаҡ классик мәсьәләләре, ш. иҫ. комплекслы яҫылыҡтың ҡабарынҡы өлкәләрендәге төрөлөүҙең тиң булмаған тигеҙләмәләрен сығарыу, инвариант арауыҡсалар өсөн фундаменталь принцип проблемалары, функцияларҙың төп инвариант арауыҡсаларҙан дауам ителеү проблемаһы тулыһынса хәл ителә.
И.Х.Мусин
Тәрж. Р.Ғ.Ғилманов