МЕШАЛКИН Николай Иванович

МЕШАЛКИН Николай Иванович (2.5.1907, Түбәнге Новгород губернаһы Починки а. — 12.10.1982, Октябрьский ҡ.), геолог. РСФСР‑ҙың атҡаҙанған фән һәм техника эшмәкәре (1957). Б.В. һуғышында ҡатнашыусы. Ҡазан университетын тамамлаған (1932). 1936 й. алып Стәрлетамаҡ геологик эҙләнеү контораһының партия начальнигы, баш геологы, 1948 й. — “Башнефтеразведка” тресының, 1950—67 йй. — “Башзападнефтеразведка” тресының (Октябрьский ҡ.) баш геологы. Фәнни‑производство эшмәкәрлеге нефть эҙләү эштәре менән бәйле. М. етәкселегендә 70‑кә яҡын нефть ятҡылығы, ш. иҫ. Таймырҙа (Дүртөйлө районы), Маншыр нефть ятҡылыҡтары, асыла; тәрән һәм үтә тәрән (Ҡолғона‑1) скважиналар быраулана. Ленин (1959), Ватан һуғышы һәм Ҡыҙыл Йондоҙ (1945) ордендары менән бүләкләнгән.

К.С.Баймөхәмәтов

Тәрж. Г.М.Ғәлиева