Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

МИАСКИТ, тау тоҡомо

Просмотров: 996

МИАСКИТ (Мейәс й. исеменән), һелте составлы интрузив магматик тау тоҡомо, нефелинлы сиениттың бер төрө. 70% калий‑натрийлы ялан шпатынан һәм плагиоклаздан, 20% нефелиндан һәм 5—10% биотиттан тора; һирәгерәк кальцит, амфибол йәки пироксен ҡушылмалары була. Акцессор минералдар: сфен, апатит, магнетит. Альбитланған М. циркон, ортит, пирохлор, ферсманит, эшинит осрай. Структураһы уртаса һәм эре бөртөклө, текстураһы гнейсҡа оҡшаш, һыҙыҡлы йәки төрлө составлы. Төҫө асыҡ һоронан ҡуйы һороға тиклем. Кремнезём м‑н туйындырылмаған магманың кристалланыуы ваҡытында барлыҡҡа килә. Йөҙләү ташы итеп ҡулланыла. Тәүге тапҡыр Көньяҡ Уралда табылған (Илмән һырты).

А.А.Алексеев

Тәрж. Э.М.Юлбарисов

Дата публикации: 10.10.2019
Дата последнего обновления публикации: 17.10.2019