МОСТАФИН Сабир Кәбир улы

МОСТАФИН Сабир Кәбир улы (31.3.1952, Фрунзе ҡ.), инженер‑геолог, эколог‑аудитор. Геология‑минералогия фәндәре докторы (1994). Журналистар союзы ағзаһы (2005). Ташкент университетын (1974), Халыҡ‑ара бойондороҡһоҙ экология‑политология университетын (Мәскәү ҡ., 2008) тамамлаған. 1974 й. алып Ташкент университетында эшләй. 1976 й. — Ҡырғыҙ ССР‑ы ФА‑ның Геология институтында (Фрунзе ҡ.): өлкән инженер, өлкән ғилми хеҙмәткәр. 1990 й. башлап РФА‑ның Мәғдән ятҡылыҡтары геологияһы, петрография, минералогия һәм геохимия институтында (Мәскәү ҡ.). 1994 й. алып РФА Өфө фәнни үҙәгенең Геология институтында төп ғилми хеҙмәткәр, бер үк ваҡытта 1994—2002 йй. БР‑ҙың Йәшәйеш хәүефһеҙлеге ҒТИ‑нда, 1995 й. — БДУ‑ла, 2006 й. — ӨДНТУ‑ла. Фәнни эшмәкәрлеге мәғдән ятҡылыҡтары геологияһына, мегаполистар геоэкологияһына, файҙалы ҡаҙылма ятҡылыҡтарын прогнозлауға һәм баһалауға, технологик минералогияға һәм техноген минераль сеймалды сифатын юғалтмай эшкәртеүгә арналған. “Бөтә Рәсәй тәбиғәтте һаҡлау йәмғиәте” Бөтә Рәсәй йәмәғәт ойошмаһының Башҡортостан республика бүлексәһе рәйесе (2004—18 йй.). Рәсәйҙең Ирекле иҡтисад йәмғиәте ағзаһы.

   Хеҙм.: Экология мегаполиса Уфа: состояние и перспективы. Уфа, 2013; Оруденение карлин-типа в недрах стран ШОС: перспективы прогнозирования, состояние изученности //Актуальные проблемы геологии, геофизики и металлогении. Ташкент, 2017; Оценка перспектив нефтегазоносности объектов шельфа Карского моря //Нефть. Газ. Новации. Самара, 2018. №2.

Тәрж. Г.М.Ғәлиева