МӨҘӘРИСОВ Рәмил Зөфәр улы
МӨҘӘРИСОВ Рәмил Зөфәр улы (18.7.1956, Өфө), тарихсы. Тарих ф. д‑ры (2003). БДУ‑ны тамамлағандан һуң (1979) 1980 й. тиклем, 1983—89 йй. һәм 1998—2005 йй. — ТТӘИ‑лә, 1989—97 йй. БДПИ‑ла эшләй. 2005 й. алып РФ Хөкүмәте эргәһендәге Финанс ун‑тының Өфө филиалында. Фәнни хеҙмәттәре тау сәнәғәте, алтын табыу сәнәғәте, тоҙсығарыу кәсептәре, эшкәртеү сәнәғәте (ҡара: Күнзаводтары, Шарапҡыуыузаводтары), Көньяҡ Уралдың эшселәр синыфы тарихына арналған. 80‑дән ашыу фәнни хеҙмәт, ш. иҫ. вуздар өсөн дәреслектәр, авторы.
Х е ҙ м.: Горнозаводская промышленность Южного Урала в первой половине XIX в. Уфа, 1998; Промышленность Южного Урала в первой половине XIX века (1801—1861). Уфа, 2003.
Тәрж. М.Х.Хужин