Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

МОРАТ АБДАЛОВ

Просмотров: 1391

МОРАТ АБДАЛОВ, М о р а т А б р а л о в, М. А б т а л о в (1706—?), Крәҫтиәндәр һуғышында (1773— 75) ҡатнашыусы, Е.И.Пугачёв полковнигы. Нуғай даруғаһы Бөрйән улусы Морат а. башҡорто. Батыр. Башҡорт ихтилалында (1755—56) ҡатнашыусы. 1773 й. дек. алып М.А. отряды (600‑гә яҡын кеше) Исәт провинцияһында һуғыша. Уй ҡәлғәһен ҡамай, 16 дек. подполковник Декастро-Лацеродо командаһы м‑н һуғыша. Төрөкмән Йәнсәйетов м‑н берлектә Ҡарағай, Петропавловск һәм Магнит ҡәлғәләренә һөжүм яһай. 1774 й. май башында батшаға тоғро старшина Кейекбай Яманһарин отрядын ҡыйрата. Май—июндә Һаҡмар й. буйында Төрөкмән Йәнсәйетов м‑н берлектә подполковник И.Л.Тимашев (ҡара: Тимашевтар) етәкс. хөкүмәт ғәскәренә ҡаршы һуғыштарҙа, Урғаҙа (22 май) һәм Таналыҡ ҡәлғәләрен алыуҙа ҡатнаша. 5 июндә Преображенск заводын туҙҙыра. Окт. Тимашевҡа баш һалып килә. Артабанғы яҙмышы билдәһеҙ.

С.У.Таймаҫов

Тәрж. М.Х.Хужин

Дата публикации: 10.10.2019
Дата последнего обновления публикации: 17.10.2019