ЛОЗБЕНЬ Иван Феофанович

ЛОЗБЕНЬ Иван Феофанович (1.6.1905, Седлец губернаһы Сбережье а. — 1.4.1976, Щёлково ҡ.), хужалыҡ эшмәкәре, инженер‑технолог. Техник фәндәр кандидаты (1935). Г.В.Плеханов исемендәге Мәскәү халыҡ хужалығы институтын (1926), Юғары химик‑технология училищеһын (Мәскәү ҡ., 1930) тамамлаған. 1949 й. алып Стәрлетамаҡ сода‑цемент комбинаты директоры. 1958—63 йй. Башҡортостан ХХС-ы рәйесе урынбаҫары. Л. етәкселегендәге Стәрлетамаҡ сода‑цемент комбинатында кальцинирланған сода, шифер, цемент етештереү ойошторола. Ленин (1949), Хеҙмәт Ҡыҙыл Байраҡ, “Почёт Билдәһе” (1944) ордендары менән бүләкләнгән.

Тәрж. Р.Ғ.Ғилманов