МАЛИЕВСКИЙ Олег Артурович

МАЛИЕВСКИЙ Олег Артурович (18.5.1966, Өфө ҡ.), балалар эндокринологы. Медицина фәндәре докторы (2002), профессор (2005). РФ‑тың һаулыҡ һаҡлау отличнигы (2016). В.А.Малиевскийҙың игеҙәге. БДМИ‑ны тамамлаған (1989), 1994 й. алып шунда уҡ уҡыта. Фәнни эшмәкәрлеге балаларҙа эндокрин ауырыуҙарҙы, ш. иҫ. шәкәр диабетын, боғаҡты иҫкәртеү, диагностикалау һәм дауалау, үҫеш һәм енси өлгөрөү патологияһы проблемаларына арналған. М. ҡатнашлығында төрлө йәштәге балаларҙың йәшәү сифаты, яңы тыуған балаларҙы гипотиреоз һәм адрено‑гениталь синдромға скрининг‑тикшереү һөҙөмтәлелеге өйрәнелә, нәҫелдән килгән эндокринопатияларҙы диагностикалау ысулдары камиллаштырыла.

 Х е ҙ м.: Йоддефицитные состояния у детей Российской Федерации. М., 2003 (авторҙ.); Дефицит кальция и остеопенические состояния у детей: диагностика, лечение, профилактика. М., 2006 (авторҙ.); Детская эндокринология: учебник. М., 2019 (авторҙ.).

Тәрж.Г.Ҡ.Ҡунафина