Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

МАННАНОВА Флора Фәтих ҡыҙы

Просмотров: 872

МАННАНОВА Флора Фәтих ҡыҙы (19.9.1946, Галле ҡ., Германия), стоматолог. Медицина фәндәре докторы (1997), профессор (1998). БР‑ҙың атҡаҙанған табибы (1998), СССР‑ҙың һаулыҡ һаҡлау отличнигы (1986). Ҡазан медицина институтын тамамлағандан һуң (1974) 1979 й. тиклем Өфө ҡ. 1‑се стоматология поликлиникаһында эшләй. 1981 й. алып БДМУ‑ла (1984—2017 йй. ортопедик стоматология кафедраһы мөдире). Фәнни эшмәкәрлеге балаларҙа теш‑яңаҡ деформацияларын һәм аномалияларын иртә диагностикалау, иҫкәртеү һәм дауалауға, ортопедик һәм ортодонтик технологиялар ҡулланып стоматологик ауырыуҙарҙы дауалау һәм реабилитациялау ысулдарын камиллаштырыуға арналған. М. ҡатнашлығында сәйнәү функцияһын диагностикалау, өҫкө яңаҡтың фронталь тарайыуын дауалау ысулдары, стоматология инструменттары (теш таждарын ҡырҡыу өсөн ярғыс, универсаль лабиометр, антропометр), алынмалы теш протездарын нығытып ҡуйыу өсөн состав һ.б. эшләнә.

 Х е ҙ м.: Оптимизация ортопедического лечения стоматологических больных в пожилом и старческом возрасте. Уфа, 2008 (авторҙ.); Оценка степени риска и индивидуальное прогнозирование результатов ортопедического лечения при дефектах зубных рядов несъёмными протезами. Уфа, 2011 (авторҙ.); Диагностика и комплексное лечение декомпенсированной повышенной стираемости зубов, сочетанной с зубочелюстными аномалиями и деформациями. Уфа, 2015 (авторҙ.).

Тәрж. Г.Ҡ.Ҡунафина

Дата публикации: 10.10.2019
Дата последнего обновления публикации: 06.09.2023