МӨСӘҮИРОВ Рим Сабир улы

МӨСӘҮИРОВ Рим Сабир улы (15.5.1948, Полевской ҡ.), химик‑технолог. Химия ф. д‑ры (1988). БР‑ҙың атҡ. фән һәм техника эшмәкәре (1998), РФ‑тың почётлы юғары проф. белем биреү хеҙм‑ре (1998), РФ‑тың почётлы фән һәм техника хеҙм-ре (2006). ӨНИ‑не тамамлағандан һуң (1972) шунда уҡ эшләй: 1977 й. алып Студенттар ҒТИ дир., бер үк ваҡытта 1981 й. башлап тармаҡ лаб. мөдире. 1990 й. алып “Реактив” Дәүләт инженерлыҡ үҙәгенең ген. дир. урынбаҫары, 1993 й. ген. директоры. 1993 й. башлап Теүәл органик синтез ҒТИ, 1997—2007 йй. Аҙ күләмле химия продукттары һәм реактивтар ҒТИ, 2010 й. алып “Заманса химик һәм физик технологиялар” ғилми-производство фирмаһы (Өфө) директоры. Фәнни хеҙмәттәре циклик ацеталдәр һәм уларҙың кремнийлы аналогтары химияһы, кремний органик берләшмәләрҙең химияһы һәм стереохимияһы өлкәһендәге тикшеренеүҙәргә арналған. Аҡҡурғаш һәм көмөш ингән мәғдәндәрҙе флотациялау, һирәк осраған һәм таралған элементтарҙы сығарып алыу ысулдары табыла, улар РФ‑тың төҫлө металлургия пр‑тиелары производстволарына индерелгән. 350‑нән ашыу фәнни хеҙмәт һәм 70 уйлап табыу авторы. 1994 й. алып Химиктар союзы рәйесе. РФ Хөкүмәте (2006), Башҡ‑н комсомолы (1981) пр. лауреаты.

Х е ҙ м.: Реакции ацеталей, ортоэфиров и их аналогов с кремнийорганическими соединениями. Уфа, 1997 (авторҙ.); Методы синтеза 1,3‑дигетероаналогов циклоалканов. Уфа, 1998 (авторҙ.); Современные химические средства защиты растений. В 2 т. Т.1. Регуляторы роста и развития растений. Уфа, 1999 (авторҙ.). 

Д.Л.Рахманҡолов

Тәрж. Р.Ғ.Ғилманов