Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

НИҒМӘТИ Ғәлимйән Әмирйән улы

Просмотров: 1105

НИҒМӘТИ (Ниғмәтуллин) Ғәлимйән Әмирйән улы [26.7.1897, Өфө губ. ш. уҡ исемле өйәҙе Өйҙөрәкбаш а. (БР‑ҙың Благовар р‑ны) — 4.11. 1941 (башҡа мәғлүмәттәр б‑са, 4.12. 1941), Коми АССР‑ы Усть-Вымь а.], әҙәбиәт белгесе. “Ғәлиә” мәҙрәсәһендә, Мәскәү журналистика ин‑тында уҡыған (1922—23). 1918 й. алып “Кызыл яу” (“Ҡыҙыл яу”; Өфө), “Азад Себер” (Омск ҡ.) һ.б. гәз. хәбәрсе, 1923 й. — РСФСР Бөтә Рәсәй ҮБК инструкторы. 1926 й. башлап Ҡазанда йәшәй һәм эшләй: 1927 й. тиклем “Кызыл Татарстан” (“Ҡыҙыл Татарстан”) гәз., 1928—30 йй. Татарстан китап нәшриәтендә баш мөхәррир; 1929 й. алып Ҡазан пед. ин‑тында (1934—37 йй. татар теле һәм әҙәбиәте каф. мөдире) уҡыта, бер үк ваҡытта 1930—32 йй. “Яналиф” (“Яңы әлифба”) ж. яуаплы мөхәррире. Н. хеҙмәттәре (“Максим Горький: тормошо, көрәше һәм ижады”, 1928; “Революция йылдарындағы әҙәбиәтебеҙ”, 1929; “Татар совет әҙәбиәте үҫештә” 1934; һ.б.; бөтәһе лә – татар телендә) совет әҙәбиәте теорияһына, әҙәбиәт ғилеме методологияһына, татар яҙыусыларының ижадына арналған. Байтаҡ эштәре башҡорт әҙәбиәтенә (“Хәҙерге башҡорт әҙәбиәте”, “Шәйехзада Бабич”; икеһе лә — 1929, татар телендә) арналған. 1937 й. репрессиялана (төрмәлә вафат була); 1956 й. аҡлана.

Ә ҫ ә р ҙ.: Сайланма әсәрләр. Казан, 1958.  

  С.Ғ.Сафуанов

Тәрж. М.В.Хәкимова

Дата публикации: 10.10.2019
Дата последнего обновления публикации: 17.10.2019
Связанные темы рубрикатора: