НОВЕЛЛА, сәсмә әҫәр жанры

НОВЕЛЛА (итал. novella – яңылыҡ), күләме б‑са хикәйәгә тиң, әммә унан йыш ҡына ғәҙәти булмаған сюжеты, композицияһының ыҡсым булыуы һәм тасуирлауға иғтибар бирелмәүе, финалының көтөлмәгәнлек эффектына ҡоролоуы м‑н айырылып торған сәсмә әҫәр жанры. Башҡорт әҙәбиәтендә жанрҙың үҫеше 20 б. урталарына ҡарай һәм И.Ә.Абдуллин, С.Агиш, Ә.Һ.Бикчәнтәев, Ф.Ә.Иҫәнғолов, А.Карнай, К.Мәргән исемдәренә бәйле. Н. шулай уҡ Ғ.Ғ.Байбурин, Т.Х.Ғарипова, Р.Ғ.Солтангәрәев, М.Ямалетдин, Ш.М.Янбаев һ.б. ижадында ла урын алған.  

М.Х.Иҙелбаев

Тәрж. Р.Ә.Сиражитдинов