ЛИЦЕЙ-ИНТЕРНАТ

ЛИЦЕЙ-ИНТЕРНАТ. Дыуан районының Мәсәғүт а. урынлашҡан. 1996 й. 117‑се профессиональ училище базаһында мәктәп‑интернат булараҡ асыла, 1997 й. алып Республика лицей‑интернаты. 2019 й. Т.Йосопов исеме бирелә. Китапханаһы, компьютер класс‑лабораторияһы, лингафон һәм 3 мультимедиа кабинеты, этнография музейы, тамаша, бейеү, уҡыу, көрәш, тренажёр һәм спорт залдары, еңел атлетика манежы, саңғы базаһы, медицина блогы, йәшелсә һаҡлағысы, мәктәп яны участкаһы бар. Лицейҙы 1 меңдән ашыу кеше тамамлаған (2011).

Ф.Я.Бәҙретдинова

Тәрж. Ә.Н.Аҡбутина