Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

АҒАС ӘҘЕРЛӘҮ

Просмотров: 1294

АҒАС ӘҘЕРЛӘҮ, ағас материалдар етештереү процесы. 3 стадияға бүленә: ағас ҡырҡыу, әҙерләнгән ағасты сығарыу, түбәнге ағас сәнәғәте складындағы эштәр. А.ә. һәр бер стадияһы төп әҙерлек (технологик һәм күсереү) һәм ярҙамсы операцияларҙан тора. Технологик операция ваҡытында (урман ҡырҡыу, ағастарҙы ботаҡтарҙан таҙартыу, буй ағастарҙы сортименттарға бүлеү һ.б.) ағас материалдарҙың формаһы, үлсәмдәре һ.б. үҙгәртелә, күсереү операцияларында (ағас, буй ағас йәки сортименттарҙы тарттырыу, ағас тейәү һ.б.) — бер эш урынынан икенсе эш урынына күсерелә.

Башҡортостанда А.ә. м‑н урман сәнәғәте хужалыҡтары шөғөлләнә, улар, бензинлы бысҡы ҡулланып, башлыса механизацияланған урман ҡырҡыу ысулын файҙалана. “ИНМАН” ЯАЙ‑нда (Ишембай ҡ.) А.ә. ваҡытында тейәү-бушатыу эштәрен башҡарыу өсөн КамАЗ‑43118, КамАЗ‑53228 автомобилдәренең йөрөү өлөштәренә, ике звенолы ДТ‑30 транспортёрҙарының, ҡарҙа, һаҙлыҡта йөрөй торған ТТМ‑6901 автомобилдәренең һ.б. махсус шассийына ҡуйыла торған гидроманипуляторҙар сығарыла.

А.Ф.Хәмитов

Тәрж. Р.Ғ.Ғилманов

Дата публикации: 10.10.2019
Дата последнего обновления публикации: 17.10.2019
Связанные темы рубрикатора:
Связанные статьи: