Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

МАЯҠТАУ, тау

Просмотров: 1070

МАЯҠТАУ, А ҫ ы л т а ш, тау, тәбиғәт ҡомартҡыһы (2003). Күгәрсен р‑ны 1‑се Дәүләтҡол а. көнсығышҡа табан 2,5 км алыҫлыҡта урынлашҡан. Абс. бейеклеге 523,8 м. Әртә ярусы тоҡомдарынан (конгломерат, эзбизташ һ.б.) тора. Ландшафы ташлы һәм болонло далаларҙан, һоро урман тупрағындағы киң япраҡлы урмандарҙан (имән, йүкә, йыла һ.б.) ғибәрәт. Эндемиктар (Гмелин ҡыйыҡтажы) һәм үҫемлектәрҙең БР‑ҙың Ҡыҙыл китабына ингән һирәк төрҙәре (Гельм астрагалы, йәшел ҡыуыш тажъяпраҡ, көмөш тәңкәғуҙаҡ, Литвинов торна борсағы, Разумовский тәңкәғуҙағы, рус сыбар сәскәһе, һылыу ҡылған һ.б.) осрай. Башҡортостан (Көньяҡ) Уралында берҙән‑бер май ынйы сәскәһе үҫкән урын. БР‑ҙың Ҡыҙыл китабына ингән аполлон, махаон, подалирий йәшәй. 

Ә.А.Мулдашев

Тәрж. И.М.Япаров

Дата публикации: 10.10.2019
Дата последнего обновления публикации: 18.10.2019