Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

МӨХӘМӘТОВ Мәрдиғәләм Ноғман улы

Просмотров: 753

МӨХӘМӘТОВ Мәрдиғәләм Ноғман улы (5.2.1886, Ырымбур губ. Орск өйәҙе Гирьяльская станицаһы, хәҙ. Ырымбур өлк. Беляев р‑ны Гирьял а., — 3.9.1950, Өфө), педагог, педиатр. Мед. ф. д‑ры (1945), проф. (1946). Өфө уҡытыусылар ин‑тын (1914) һәм МДУ‑ны (1927) тамамлаған. 1910 й. алып “Ғәлиә” мәҙрәсәһендә, 1914 й. — Өфө губ. Бәләбәй өйәҙе Яңы Ҡарғалы а. (хәҙ. БР‑ҙың Благовар р‑ны Үрге Ҡарғалы а.) министрлыҡ мәктәбендә уҡыта, 1918 й. — Өфө татар‑башҡ. пед. курстары мөдире. 1922 й. башлап Мәскәүҙә: 1925 й. тиклем СССР Мәғариф ХК‑нда, бер үк ваҡытта И.В.Сталин ис. Көнсығыш хеҙмәтсәндәре коммунистик ун‑тында, 1929 й. алып Г.В.Плеханов ис. Халыҡ хужалығы ин‑тында уҡыта, 1935—38 йй. — 7‑се балалар поликлиникаһында эшләй. 1932—35 йй. К.А.Тимирязев ис. Башҡ. пед. ин‑тының мәктәп гигиенаһы каф. мөдире, бер үк ваҡытта Өфөнөң балалар дауаханаһында эшләй; 1938 й. башлап БДМИ‑ла, 1946 й. — балалар ауырыуҙары каф. мөдире. Фәнни эшмәкәрлеге балаларҙың инфекцион ауырыуҙарын, ш. иҫ. дифтерия м‑н скарлатинаны, диагностикалау, дауалау һәм иҫкәртеү проблемаларына арналған. 20‑гә яҡын фәнни хеҙмәт авторы.

Х е ҙ м.: Общая педагогика. Уфа, 1919.

Г.Ю.Мыздрикова

Тәрж. Г.Ҡ.Ҡунафина

Дата публикации: 10.10.2019
Дата последнего обновления публикации: 17.10.2019