Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

МАЛЬВА

Просмотров: 618

МАЛЬВА 1) г ө л н ә ф и с (Malva), мальва һымаҡтар ғаиләһенә ҡараған үҫемлек заты. Яҡынса 40 төрө билдәле, Евразияла, Төньяҡ Африкала һәм Төньяҡ Америкала таралған. Башҡортостанда 4 төрө үҫә: мавритания М., таҡыялы М., ябай М., тәпәш М. Бер, ике йәки күп йыллыҡ төклө үләндәр. Һабаҡтарының бейеклеге 30—200 см, күпселек төрҙәрҙә төҙ, тармаҡлы, йыуан, тәпәш М. — түшәлеүсән йәки күтәрелеүсән. Япраҡтары һаплы, сиратлы, бөтөн, йомро‑йөрәк формаһында, айырсалы йәки бармаҡса теленгән, ситтәре бысҡы тешле йәки киртләсле‑тешле. Сәскәләре ваҡ йәки эре, ал, алһыу күк, ҡыҙыл, аҡ төҫтәрҙә, япраҡ ҡуйындарында йәки ос шәлкемдәрендә йыйылған, һирәк осраҡта яңғыҙар. Июль—сент. сәскә ата. Емеше — ҡумта, июль—окт. өлгөрә. Рудераль үҫемлектәр, БР‑ҙың бөтә терр‑яһында осрай. Декоратив үҫемлектәр, баллы үҫемлектәр. Составында дуплаусы матдәләр, лайлалар, эфир майҙары бар, халыҡ медицинаһында ҡулланыла. 2) шток‑роза һәм хатьма затына ҡараған үҫемлектәр.

Л.М.Абрамова

Тәрж. Г.А.Миһранова

Дата публикации: 10.10.2019
Дата последнего обновления публикации: 18.10.2019