Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ҠАҘАҠБАЕВ Мөхәмәтйән Абдулла улы

Просмотров: 1815

ҠАҘАҠБАЕВ Мөхәмәтйән Абдулла улы [22.12.1924, БАССР‑ҙың Йылайыр кантоны Һаҡмар‑Наҙарғол а. (БР‑ҙың Хәйбулла р‑ны) — 6.6.2017, шунда уҡ], йырсы, сәсән. Б.В. һуғышында ҡатнашыусы. 1949—84 йй. Хәйбулла р‑нының “Һаҡмар” к‑зында эшләй. Башҡ. традицион башҡарыу мәктәбенең сағыу вәкилдәренең береһе. Репертуарында 100‑ҙән ашыу оҙон көй: “Шафиҡ”, “Шаһибәрәк”, “Шәүрә” йырҙары, “Кәмәлек”, “Ҡаһарман кантон”, “Һыр” һ.б. йырҙарҙың уникаль варианттары; башҡ. муз. фольклорының бик таралмаған өлгөләре: “Ғәзизә”, “Мәғри”, “Силәбе”; “Муса Мортазин”, “Йәнтилә ҡашҡа” һ.б. марштар; Аҡмулла, Ш.Бабич, Ғ.Туҡай шиғырҙары, көнсығыш шиғриәте классиктары әҫәрҙәре, боронғо мөнәжәттәр, бәйеттәр. “Вашшои” Бөтә донъя фольклор фестивалендә ҡатнашыусы (Осака ҡ., Япония, 2000). “Йомабай Иҫәнбаев көндәре” Респ. халыҡ сәнғәте байрамы (Хәйбулла р‑ны Аҡъяр а., 1989), “Башҡорт халыҡ йыры” Респ. радиоконкурсы (Өфө, 1991; Гран‑при) лауреаты. 2‑се дәрәжә Ватан һуғышы орд. м‑н бүләкләнгән (1985).

Әҙәб.: Ер һәм йыр улы. Өфө, 2014.

Ю.И.Ғәйнетдинов

Тәрж. Р.Р.Абдрахманов

Дата публикации: 10.10.2019
Дата последнего обновления публикации: 04.11.2019