МЕРӘҪОВ Рәхим Зәки улы

МЕРӘҪОВ Рәхим Зәки улы (14.1.1940, БАССР‑ҙың Стәрлебаш районы Әмир а.), тел белгесе. Филология фәндәре докторы (1991), профессор (1992). БР‑ҙың атҡаҙанған фән эшмәкәре (1993), РФ юғары мәктәбенең атҡаҙанған хеҙмәткәре (2000). БДУ‑ны тамамлағандан һуң (1963) шунда уҡ (өҙөклөктәр менән) эшләй: 1970—75 йй., 1978—83 йй. һәм 1990—98 йй. немец филологияһы кафедраһы мөдире, 1992—2015 йй. роман-герман филологияһы факультеты деканы. 1984—85 йй. Бөрө педагогия институтында уҡыта, 1986—90 йй. Кама политехник институтының (Яр Саллы ҡ.) сит телдәр кафедраһы мөдире. Фәнни тикшеренеүҙәре немец теленең һүҙьяһалышы теорияһына, контрастив лингвистикаға [һинд-европа (инглиз, немец, француз, урыҫ һ.б.) телдәренең һәм башҡорт теленең сағыштырма грамматикаһына] арналған. “Немец теленең һүҙьяһалыш элементтары һүҙлеге”н (“Словарь словообразовательных элементов немецкого языка”; 2000) төҙөүселәрҙең береһе. БР‑ҙың фән һәм техника өлкәһендәге Дәүләт премияһы лауреаты (2021). 2‑се дәрәжә “Ватан алдында күрһәткән хеҙмәттәре өсөн” ордены менән бүләкләнгән (2006).

Хеҙм.: Типология глагола в разноструктурных языках. Уфа, 2011; Морфология существительных в разноструктурных языках. Уфа, 2016; Периферийная зона системы частей речи (контрастивно‑типологическое исследование). Уфа, 2019 (соавт.).

Әҙәб.: Зайнуллин М.В. О книге Р.З.Мурясова “Типология глагола в разноструктурных языках” //Проблемы востоковедения. 2011. №3.

М.В.Зәйнуллин

Тәрж. Р.Ә.Сиражитдинов