ЛУКЬЯНОВ Аркадий Викторович

ЛУКЬЯНОВ Аркадий Викторович (19.10.1959, Өфө ҡ.), философ. Философия фәндәре докторы (1994), профессор (1998). БР‑ҙың атҡаҙанған фән эшмәкәре (2005). БДУ‑ны тамамлаған (1982), 1987 й. алып (өҙөклөк менән) шунда уҡ уҡыта. 1995—96 йй. Ырымбур педагогия университетының культурология кафедраһы мөдире. Фәнни эшмәкәрлеге азатлыҡ проблемаһы контексында И.Г.Фихтеның “фән тураһында тәғлимәт”ен ижади реконструкциялауға, хәҙерге Рәсәй йәмғиәтенең рухи ҡапма-ҡаршылыҡтарын, мөхәббәт философияһын өйрәнеүгә арналған. Фихте И.Г. исемендәге Өфө йәмғиәте президенты (1992—2004 йй., 2008 й. алып).

  Х е ҙ м.: Философия Иоганна Готлиба Фихте (1762—1814). Оренбург, 1997; Философские идеи Ф.Гёльдерлина и метафора пустоты. Уфа, 2012; Немецкий романтизм конца XVIII — начала XIX в. и его философский анализ. Уфа, 2018.

Р.Х.Лоҡманова

Тәрж. М.Ә.Ҡотлоғәлләмов