Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ӨРГӨН, Учалы р‑нындағы ауыл

Просмотров: 996

ӨРГӨН, М у л д а ш, Учалы р‑нындағы ауыл, Учалы а/с ҡарай. Район үҙәгенән Т. табан 16 км һәм Учалы т. юл ст. 8 км алыҫлыҡта Өргөн күле буйында урынлашҡан. Халҡы: 1900 й. — 919 кеше; 1920 — 1191; 1939 — 644; 1959 — 647; 1989 — 581; 2002 — 613; 2010 — 569 кеше. Башҡорттар йәшәй (2002). Төп мәктәп (элекке мәсет бинаһы, таштан, 20 б. башы архитектура ҡомартҡыһы), балалар баҡсаһы, фельдшер-акушерлыҡ пункты, мәҙәниәт йорто, китапхана бар.

Ауылға Верхнеурал өйәҙе Ҡара‑Табын улусы башҡорттарының аҫаба ерҙәрендә Троицк өйәҙе Әмин а. (хәҙ. Силәбе өлк. Уй р‑ны) типтәрҙәре Мулдаш исеме (тәүге төпләнеүсенең исеменән, уның улы Көсөк Мулдашев билдәле) м‑н нигеҙ һала, 1786 й. алып билдәле. 1795 й. 30 йортта 268 кеше йәшәгән, 1866 й. 112 йортта — 824 кеше. Игенселек, малс‑ҡ м‑н шөғөлләнгәндәр. Мәсет булған. 2010 й. алып хәҙ. исемен йөрөтә. Р.В.Моратшин, М.А.Хәйҙәров ошо ауылда тыуған.

Тәрж. Р.Ғ.Ғилманов

 

Дата публикации: 10.10.2019
Дата последнего обновления публикации: 17.10.2019