СИЛИЩЕВ Николай Николаевич

СИЛИЩЕВ Николай Николаевич (15.8.1946, Тамбов өлкәһе Никольское а. — 1.3.2012, Өфө ҡ.), биотехнолог. Биология фәндәре докторы (2009). ӨНИ‑не тамамлағандан һуң (1969) 1970 й. тиклем һәм 1973 й. алып шунда уҡ эшләй (1975 й. алып өлкән ғилми хеҙмәткәр). 1976 й. башлап Башҡортостан нефть ғилми‑тикшеренеү һәм проект институтында: өлкән ғилми хеҙмәткәр, 1977 й. алып сектор мөдире. 1986 й. башлап “НИИнефтеотдача” институтында: сектор мөдире, 1993 й. алып лаборатория мөдире. 1999 й. алып Биология институтында: өлкән, 2008 й. башлап төп ғилми хеҙмәткәр. Фәнни эшмәкәрлеге экология һәм ауыл хужалығы биотехнологияһын, микробиологияны өйрәнеүгә арналған. С. тарафынан тупраҡтың, грунттың һәм һыу объекттарының нефть менән бысраныуы эҙемтәләрен бөтөрөү өсөн Ленойл препараты, Елена биофунгициды һәм Азолен биоашламаһы эшләнгән.

   Х е ҙ м.: Биотехнологические методы очистки окружающей среды от техногенных загрязнений. Уфа, 2000 (авторҙ.); Роль бактерий‑антагонистов фитопатогенов в защите сельскохозяйственных растений от болезней. Уфа, 2001 (авторҙ.); Биорекультивация. М., 2009 (авторҙ.).

Тәрж. Г.А.Миһранова